enqerediki hujumni sadir qilghan ikkinchi térrorchiningmu kimliki éniqlandi
paytext enqerediki ichki ishlar ministirliqi binasi aldida bombiliq hujum qilish weqesi peyda qilghan térrorchilarning ikkinchisning, bölgünchi térrorluq teshkilati p k k / k j k ezasi özkan shahin ikenliki éniqlandi.
türkiye awazi radiyosi xewiri: türkiye ichki ishlar ministirliqi bayanat élan qilip, 1 – öktebir (2023) yekshenbe küni ikki térrorchi teripidin ministirliq binasi aldida sadir qilinghan xainlarche hujumning qehriman saqchilarning derhal zerbe bérishi netijiside aldining élinip, térrorchilarning bir terep qilinghanliqi eskertip ötüldi.
buningdin ilgiriki tekshürüshler we DNA analizi netijiside, térrorchilardin birining p k k / k j k térrorluq teshkilati ezasi «kaniwar erdal» yalghan isimlik hasan oghuz ikenlikining éniqlanghanliqigha isharet qilinghan bayanatta, hujumni sadir qilghan ikkinchi térrorchining p k k / k j k ezasi özkan shahin ikenlikining jezmleshtürülgenliki qeyt qilindi.
bayanatta: «bixeterlik qisimlirimizning tekshürüshliri dawamlashmaqta. térrorluqqa qarshi turush kürishimiz axirqi térrorchi yoqitilghiche qetiylik bilen dawam qilidu» dégen ibarilerge orun bérildi.
