oléna zélénska erdoghanning repiqisi emine erdoghangha rehmet éytti

türkiye awazi radiyosi xewiri: oléna zélénska ukrainaning musteqilliq küni munasiwiti bilen ukrainaning enqere elchixanisida ötküzülgen xatirilesh paaliyitige sinliq uchur ewetti.

u xatirilesh paaliyitige qatnashqanlargha rehmet éytip, ukrainadiki bir qisim ijtimaiy layihelerge töhpe qoshqan türkiye hemkarliq we tereqqiyat agéntliqi-tika (TIKA) gha minnetdarliqini bildürdi.

u paaliyet ishtirakchiliridin ukrainaning izyumdiki doxturxanisini qayta sélish üchün bashlanghan seperwerlik paaliyitini qollashni telep qildi.

u mundaq dédi:

«biz dawamliq yardem sorashqa mejburmiz. beziler dawamliq weyran qilsa, yene beziler mushundaq yardem qilidu. del mushuninggha oxshash ehwallar kimning heqiqiy insan ikenlikini körsitip béridu. heqiqiy adem üchün azabning renggi, dini we irqi bolmaydu. men sizlerning oxshash chüshenchige ige ikenlikinglarni bilimen.»

u ukrainadin türkiyege élip kélingen yétim balilarning paytext enqerediki aile we ijtimaiy xizmetler ministirliqi qarmiqidiki balilar öyige orunlashturulghanliqini xatirilitip, sözini mundaq dawamlashturdi:

«biz kelgüsi ewladlargha ittipaqliq we özara yardemlishishning, axirida zulum hemde tajawuzchiliqni meghlup qilidighanliqini birlikte körsitip béreleymiz. shunga, men démisimu bu ishni qiliwatqan türkiyening birinchi xanimi, hörmetlik emine erdoghandin intayin minnetdar. u enqerede ukrainaliq yétim balilarni azade turmush sharaitlirigha ige qildi. bu tolimu qimmetlik, chünki bu ishlar balilargha normal turmush we dunyagha ishinish tuyghusi ata qilidu.»