erdoghan: türkiye dunyaning aldinqi qatardiki téxnika tereqqiy qildurghuchilirining birige aylandi

türkiye awazi radiyosi xewiri: jumhur reis erdoghan kabinét yighinidin kéyin bayanat élan qildi؛ u, türkiyening özining mudapie sanaitidiki éhtiyajini qandurupla qalmay, yene dunyaning aldinqi qatardiki téxnika tereqqiy qildurghuchilirining birige aylanghanliqini bayan qilip: «biz nöwette yéngi xirislargha duch kéliwatimiz. özi qurghan küchlük ul eslihelerge tayinip qed kötürüwatqan bir dölet bolush süpiti bilen, türkiyening her bir jughrapiyelik orun we supida yer sharining kona haliti bilen doqurushup tebiiy... lékin, meyli ittipaqdashlirimiz yaki reqiblirimiz bolsun, barliq döletler qobul qilghan, héchkim qéchip qutulalmaydighan bir heqiqet bar؛ bu heqiqet shuki, bizning yiraq – yéqin pütkül jughrapiyimizde türkiyesiz héchqandaq türni yolgha qoyghili bolmaydu, urunup béqilghan teqdirdimu utuq qazinalmaydu. bizbuning sansizlighan misallirini, urunushlirini, san - sanaqsiz niyetlirini körduq, bashtin kechürduq. netijide, bu urunushlarni qilip körgenler axirida kélip, türkiye bilen hemkarlishishqa, ittipaqdashliq munasiwiti ornitishqa, türkiyening qollishini telep qilishqa mejbur bolup qaldi» dégenlerni qeyt qildi.