qurtulmush bextiyar seidowni qobul qildi

türkiye awazi radiyosi xewiri: özbéksitan tashqi ishlar ministiri bextiyar seidow we hemrahliqidiki heyetni paytext enqerediki türkiye büyük millet mejliside kütüwalghanliqidin xushal bolghanliqini bildürgen qurtulmush, döletler otturisidiki hemkarliqning muhimliqini eskertip: «biz bu yerde ornitidighan hemkarliq we küch, emeliyette bizni hem asiya döletliri hem yawropa döletliri nuqtisidin muhim pursetler bilen teminleydu. biz birlikte iqtisadiy, soda, siyasiy, medeniyet, maarip qatarliq barliq sahelerde ortaq türlerni yolgha qoyup, ortaq nishangha qarap yürüsh qilishimiz kérek. qolimizda mushundaq köp purset we birikmilirimizni yéqinlashturidighan medeniyet zémini bolghaniken, buningdin paydilinish bizning mejburiyitimiz» dédi.

türkiye büyük milliy mejlisi bashliqi qurtulmush sözini dawamlashturup: «ikki dölet munasiwiti yéqinqi mezgilde mukemmel déyishke bolidighan sewiyege yetti. biz özbékistanning küchiyishi we qudret tépishini türkiyening küchiyishi dep qaraymiz. özbékistandiki qérindashlirimizningmu türkiyening tereqqiy qilishigha mushundaq qaraydighanliqini bilimiz» dégenlerni qeyt qildi.

özbékistan tashqi ishlar ministiri bextiyar seidow türkiye büyük milliy mejlisi bashliqi qurtulmush bilen körüshkenlikidin xushal bolghanliqini bildürüp, özlirining türkiyening özbékistanning musteqilliqini étirap qilghan tunji dölet ikenlikini her waqit esleydighanlqini we buni hergiz untup qalmaydighanliqini tilgha élip ötti.