amérikada 15 – nöwetlik türk bayrimi ötküzüldi
amérikaning yéngi jérsiy ishtatida 15 – nöwetlik türk bayrimi we jumhuriyet qurulghanliqining 100 – yilliqini tebriklesh féstiwali ötküzüldi.
türkiye awazi radyosi xewiri: türk bayrimi paaliyiti cheteldiki türkler we qérindash xelqler idarisi, türkiye hemkarliq we maslashturush orgini, türkiye-amérika döletlik rehberlik komitéti teripidin kléfton xatire baghchisida orunlashturuldi.
bu yil 15- nöwetliki ötküzülgen türk bayrimi paaliyiti dairiside, jumhuriyet qurulghanliqining 100 – yilliqini tebriklesh féstiwalimu ötküzüldi.
paaliyette körgezme munberliri échildi, qatnashquchilargha türkche tamaq teqdim qilindi, türk muzikisi qoyup bérildi.
féstiwalgha türkiyening birleshken döletler teshkilatida turushluq daimiy wekili sedat önal, türkiyening washingtonda turushluq bash elchisi murat merjan, cheteldiki türkler we qérindash xelqler idarisi bashliqi abdulla eren we nyuyorkning bash konsuli reyhan özgur qatnashti.
