erdoghan: xelqmiz bilen birlikte nishanlargha qarap qedemmuqedem ilgirileymiz

türkiye awazi radiyosi xewiri: jumhur reis erdoghan türkiye jumhuriyiti jumhur reislik mehkimiside ötküzülgen «30- awghust zeper bayrimi alahide konsérti we 100 – yil marshini élan qilish murasimi»da söz qilip: «rayonidiki kirizislarning hel qilinidighan yérige aylanghan؛ bixeterliki we parawanliqigha tehdit boluwatqan ishlarni bir terep qilip, küchini dostliri bilen ortaqlishiwatqan türkiyening qed kötürüshi dawamlishidu» dédi.

«bügünki künde, türkiye jumhuriyiti charek esir, yérim esir yaki bir esir ilgirikige qarighanda siyasiy, iqtisadiy we herbiy wasitiliri bilen téximu küchlük we téximu ilghar» dégen erdoghan, sözini dawamlashturup: «dunyani chüshinidighan, türkiyening heqiqiy yoshurun küchini bilidighan we öz ilkidiki nersilerning qimmitini tonup yetken xelqimiz bilen birlikte nishanlargha qarap qedemmuqedem ilgirileymiz» dégenlerni qeyt qildi.

yene bir tereptin, pirogrammida, türkiye jumhuriyiti jumhur reislik mehkimisi uchur – alaqe ishliri idarisi teripidin uyushturulghan 100 - yilni tebriklesh marshi musabiqiside mukapatqa érishkenlerge we bahalighuchilar alahide mukapatigha layiq dep qaralghan eserlerning yazghuchilirigha erdoghan teripidin mukapat tarqitip bérildi.

birinchilikke érishken, tékistini ilker kömürjü, muzikisini jumhur reislik mehkimisi simfoniye orkéstiri ishligen eser ishtirakchilarning qizghin alqishigha érishti.

paaliyet dairiside, «30- awghust zeper bayrimi» we «türkiye esiri» dégen xetler bilen «türkiye xeritisi», «türkiye bayriqi», «jumhuriyetning 100 – yil xatire logosi» 1200 uchqu bilen asmanda eks ettürüldi.