تۈركىيە دانىيە ۋە گوللاندىيە دىپلوماتلىرىغا نارازىلىقىنى يەتكۈزدى

تۈركىيە ئاۋازى راديوسى خەۋىرى: دانىيەنىڭ ئەنقەرەدە تۇرۇشلۇق ئەلچىخانىسىنىڭ مەسلىھەتچىسى ۋە گوللاندىيەنىڭ ئەنقەرەدە تۇرۇشلۇق ئەلچىخانىسىنىڭ باش مەسلىھەتچىسى تاشقى ئىشلار مىنىستىرلىقىغا چاقىرىلىپ، ئۇلارغا قۇرئان كەرىمنىڭ داۋاملىق كۆيدۈرۈلۈۋاتقانلىقىدىن ھېس قىلىنغان بىئاراملىق ئۇقتۇرۇلدى.

مەزكۇر دىپلوماتلارغا «بۇ رەزىل ھۇجۇملار» دىن پەيدا بولغان بىئاراملىق ئەسكەرتىلىپ، تۈركىيەنىڭ بۇ ھەرىكەتلەرنى ئەڭ كۈچلۈك ئەيىبلىگەنلىكى ۋە نارازىلىق بىلدۈرگەنلىكى يەنە بىر قېتىم تەكىتلەندى.

دانىيە ئەلچىىانىسىنىڭ مەسلىھەتچىسى 18 – ئاۋغۇستتىتىمۇ ئوخشاش مەسىلە ئۈچۈن تاشقى ئىشلار مىنىستىرلىقىغا چاقىرتىلغان ئىدى.