14 - nöwetlik bash elchiler yighini paytext enqerede bashlinidu

türkiye awazi radiyosi xewiri: türkiye jumhuriyiti tashqi ishlar ministirliqi bayanat élan qilip, bash elchiler yighinining 2008 - yilidin buyan chet ellerde we merkizi idare – organlarda xizmet qiliwatqan barliq bash elchilerning qatnishishi bilen ötküzülüp kelgenlikini eskertti.

bayanatta, 14 - nöwetlik bash elchiler yighinining bu yil 5 – awghusttin 9 – awghustqiche enqerede ötküzülidighanliqi qeyt qilindi.

resmiy échilish murasimi 7 - awghust ötküzülidighan yighinning témisi «türkiye esiridiki tashqi siyasitimiz» dep békitildi.

bayanatta: «dölitimiz we rayonimiz bilen zich munasiwetlik özgirishler muzakire, yer sharining yüzlinishi muhakime hemde nöwettiki xiris we pursetler mulahize qilinidighan bash elchiler yighini, tashqi siyasitimizni nezerde tutup, ichki pilanlarni tüzüsh we organlar ara maslishishni ishqa ashurush nuqtisidin muhim rol oynaydu.

yighin dairiside bash elchilirimiz, jumhur reis rejep tayyip erdoghan we türkiye büyük milliy mejlisi reisi numan qurtulmush teripidin qobul qilinidu» dégen ibarilerge orun bérildi.