aliy herbiy shura (kéngishi) yighini erdoghanning riyasetchilikide bashlandi

türkiye awazi radiyosi xewiri: jumhur reis erdoghan aliy herbiy shura (kéngishi) yighinidin ilgiri aliy herbiy shura (kéngishi) ezaliri bilen birge türkiye jumhuriyitining qurghuchisi mustapa kamal atatürkning meqbirisi anitkabirni ziyaret qildi.

jumhur reis erdoghan anitkabir alahide deptirige imza qoyup, «türkiye esirini berpa qilish üchün her sahede küchlük tirishchanliq körsetmektimiz. bu kürishimizde eng chong küch we ishench menbeyimizni yuqiri mesuliyetchanliqi, chékindürgüch küchi we üstün qabiliyetliri bilen millitimizning köz qarchighusi bolghan türkiye qoralliq küchlirimiz teshkil qilidu. bügünki shura (kéngesh) yighinida maqullaydighan qararlar bilen armiyimizning küchige küch qoshushini ümid qilimiz» dédi.

aliy herbiy shura (kéngishi) yighinida kün tertipide bolushi mölcherlengen eng muhim témilarning biri, yashar güler dölet mudapie ministiri bolghandin kéyin boshalghan bash ishtab bashliqliqigha kimning teyinlinishi bolidu.

aliy herbiy shura (kéngishi) yighinida yene, yéngi qomandanlar belgilinidu yaki mewjut qomandanlarning wezipe ötesh mudditini uzartish weyaki uzarmasliq qarar qilinidu.