erdoghan qatar emiri bilen körüshti

türkiye awazi radiyosi xewiri: jumhur reis rejep tayyip erdoghan dohada qatar emiri sheyx temim bin hemed alsani teripidin resmiy murasim arqiliq qarshi élindi.

murasimdin kéyin, ikki dölet heyetliri tonushturuldi, andin jumhur reis rejep tayyip erdoghan bilen qatar emiri sheyx temim bin hemed alsani ayrim körüshti.

körüshüsh harpisida jumhur reis erdoghan qatar emiri sheyx temim bin hemed alsanigha «gemlikning simwoli bolghan kök reklik» tog aptomobilini hediye qildi, ikki rehber lusayil sariyining hoylisida bir mezgil togni közdin kechürdi.

erdoghan ayrim uchrishish ishqa ashurulghan binagha alsani heydigen tog aptomobili bilen ötti.

jumhur reis rejep tayyip erdoghan qatar emiri sheyx temim bin hemed alsani sheripige bergen resmiy kechlik ziyapetke qatnashti.

lusayil sariyidiki kechlik tamaq ziyapiti axbarat wasitilirigha yépiq halette bérildi.

 erdoghan qatar ziyaritini axirlashturghandin kéyin, paris qoltuqi elliri ziyaritining axirqi békiti bolghan ereb birleshme xelipilikige qarap yolgha chiqti.

yene bir tereptin, qatar emiri sheyx temim bin hemed alsani ammiwi ortaqlishish tor béti Twitter sehipiside, jumhur reis erdoghanning qatar ziyariti heqqide  élan qilghan bayanatida, mundaq dédi: «qérindishim jumhur reis rejep tayyip erdoghanni dohada kütüwalghanliqim üchün özümni tolimu shereplik hés qilimen.»

 «jumhur reis erdoghan bilen iqtisadiy hemkarliqni téximu köp ümid chiraghlirini yanduridighan pursetlerge aylandurush we yenimu mustehkemlesh, ikki qérindash döletning xelqlirige ortaq menpeet yetküzüsh meqsitide bir yerge jem bolduq.»

qatar emiri jumhur reis erdoghan bilen  nöwette rayon we dunya duch kéliwatqan türlük xirislar heqqide muzakire élip barghanliqlirini, shundaqla bu xirislargha taqabil turush üchün xelqaraliq hemkarliqni kücheytishning zörürlüki mesiliside ortaq tonush hasil qilghanliqlirini qeyt qildi.