altun: xelq herbiy - siyasiy özgirish qozghashqa urunghanlargha zerbe berdi

türkiye awazi radiyosi xewiri: fahrettin altun tünügün HaberTRT qanilining 15 - iyul démokratiye we milliy ittipaqliq küni munasiwiti bilen orunlashturghan «15 - iyul alahide söhbet » pirogrammisigha qatnashti.

u 15 - iyuldin kéyin térrorluqqa qarshi turush saheside tashlanghan qedemlerning ehmiiyitini tekitlep: «biz ötken yette yil ichide bu xain térrorluq teshkilati dölitimizning organliridin tazilanghinida, dölitimizning we organlirimizning téximu küchlük bolidighanliqini körüp yettuq. nöwette, türkiyening térrorluqqa qarshi turush kürishi téximu küchlük, téximu ünümlük bolup, töwen chiqim bilen téximu köp netijilerni qolgha keltüridighan shekilde dawam qilmaqta... u küni (herbiy – siyasiy özgirish qozghashqa urunghan kün) xelqara sehnidiki hökümran küchler xain, peskesh bir térrorluq teshkilatidin paydilinip, türkiyede hakimiyet almashturmaqchi boldi. emma, xelq bu urunushqa dölet rehbiri bilen birlikte ochuq - ashkara zerbe berdi. zerbe (herbiy – siyasiy özgirish) qozghimaqchi bolghanlargha zerbe berdi, ularni bir terep qildi» dédi.

15 - iyul xelqning ulugh iradisini namayan qilghanliqini bayan qilip: «dunya démokratiye tarixida misli körülüp baqmighan shekilde herbiy - siyasiy özgirish qozghashqa urunush qilmishigha qarshiliq körsitildi. bu wetenning bir heqiqiy tarixi bar, u heqiqiy tarixning ichidiki heqiqiy qehrimanlar qurghuchi éléméntlardur. 15 - iyul mushu menidin éytqanda, bu döletning, bu wetenning tarixida mustesna yerge, intayin alahide orungha ige» dédi.

15 - iyul shéhit bolghanlarning, ghazi bolghanlarning, u kéche meydanlargha oqtek étilip chiqqanlarning hemmisining türkiye esirining qehrimanliri ikenlikini bildürgen altun, sözlirini: «türkiye esiri erkin, toluq musteqil bir türkiyening, téximu küchlük, téximu güllengen bir türkiyening namidur. türkiye esiri bir yiraqni körüsh türidur. türkiye esirining barliqqa kélishining perde arqisida heqiqiy qehrimanlar bar. ular kimler dep qarighinimizda, 15 - iyul xainlarche herbiy – siyasiy özgirish qozghash urunushigha, herbiy – siyasiy özgirish türsidiki tajawuziliq urunushigha qarshi turghan qehrimanlarni körimiz» dep xulasilidi.