erdoghan lefkoshada atatürk abidesige gülchembirek qoydi
jumhur reis rejep tayyip erdoghan shimaliy qibris türk jumhuriyitidiki ziyaritide, paytext lefkoshadiki atatürk abidesini ziyaret qilip, gülchembirek qoydi.
türkiye awazi radiyosi xewiri: 28-maydiki saylamda qayta saylanghan jumhur reis rejep tayyip erdoghan tunji ziyaritini shimaliy qibris türk jumhuriyitidin bashlidi. u paytext lefkoshada atatürk abidesige gülchembirek qoyup, xatire deptirige béghishlima yazdi. u arqidin özini kütüwalghan xelq ammisigha salam berdi.
jumhur reis rejep tayyip erdoghan ziyaritide ikki terep munasiwetliri üstide tepsiliy muzakire ötküzidu. uchrishishlarda, araldiki yéngi özgirishler, rayonluq we xelqaraliq sewiyede muhakime qilinidu.
u ete (2023-yili 13-iyun) ezerbeyjanni ziyaret qilidu. uning pirézidént eliyéw bilen ayrim körüshüshidin kéyin, heyetler ara uchrishish ötküzülidu.
körüshüshte, ikki terep munasiwetlirini we özara hemkarliqlarni tereqqiy qildurush üchün bésilidighan qedemler muzakire qilinidu. rayon we xelqaraliq mesililer toghrisida özara pikir almashturulidu.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.