fahrettin altun: dölitimiz tetür teshwiqatqa qarshi kürishini qetiylik bilen dawamlashturmaqta
jumhur reislik uchur- alaqa idarisi bashliqi fahrettin altun tetür teshwiqatqa eng köp uchrighan döletlerning biri bolush süpiti bilen türkiyening bu sahediki kürishini muresse qilmastin qetiylik bilen dawamlashturuwatqanliqini éytti.
türkiye awazi radyosi xewiri: jumhur reislik uchur- alaqa idarisi bashliqi fahrettin altun ijtimaiy alaqe adrésidiki bayanatida, médya we uchur - alaqe dunyasida ghelite ishlarning boluwatqanliqini bildürüp, twittérning yawropa ittipaqi bilen ijtimaiy alaqe munberliri otturisida imzalanghan «2022-yildiki tetür teshwiqatqa alaqidar kücheytilgen ep qaidiliri» namliq kélishimdin chékinishni qarar qilghanliqlirini eskertti.
fahrettin altun buninggha qarita yawropa döletliridiki bir qisim hökümet organlirining naraziliqini ipadileshke bashlighanliqini tekitlep, «tetür teshwiqat bügün yétip kelgen ölchem jehettin aldimizgha qoyuwatqan döletlik we rayon xaraktérlik xeterlerdin bashqa yene, döletlerge we pütkül xelqara jemiyetke munasiwetlik bir tehditke aylanghan ehwalda turmaqta. tetür teshwiqatqa qarshi küreshning muhim bir tüwrüki héch shübhisizki, xelqaraliq hemkarliq we qetiy iradining otturigha qoyulmasliqidur» dédi.
fahrettin altun firansiyening reqemlishish we téléfon- télégraf ishlirigha mesul ministiri zhan noél barrotning aldinqi hepte twittérni <eger ochuq we éniq bir shekilde qaide - qanunlargha riaye qilmighan teqdirde> chekleydighanliqini jakarlighanliqini eskertip: «hörmetlik ministirning ammiwi tertipke bolghan sezgürlükini nahayiti obdan chüshinimiz. chüshenmey qiliwatqinimiz türkiyege chétishliq mesile bolghanda gherblik xizmetdashlirimizning ammiwi tertipke bolghan sezgürlükimizni néme üchün körmeske salidighanliqliridur. bügünki künde bizmu yawropa ittipaqigha eza döletlerning mesullirigha oxshash héchqandaq ijtimaiy alaqe supisining tetür teshwiqat merkizige aylinishini xalimaymiz. yawropaliq dostlirimiz bilip qoyushi kérekki, biz chekligüchi, hakimmutleq idiyelerge qarshi küresh qilghangha oxshash, xelqni qutuplashturidighan tetür teshwiqatqa oxshash her türlük weyran qilghuch paaliyetlernimu birterep qilishni birinchi wezipimiz dep qaraymiz. bu jehettiki tejribilirimizni gherblik doslirimiz bilen ortaqlishishtin memnunluq hés qilimiz. shuni yene bir qétim bildürüp qoyushni xalaymenki, hörmetlik jumhur reisimiz otturigha qoyghan heqiqetni qoghdash we tetür teshwiqatqa qarshi küresh tesewwuri dairiside, puqralirimizning heq – hoquqlirini qoghdash üchün zörür bolghan barliq qedemlerni tashlashni dawamlashturimiz. dunyada ang köp tetür teshwiqatqa uchrighan döletlerdin biri bolush süpitimiz bilen tetür teshwiqatqa qarshi kürishimiz muressesiz, qetiylik bilen dawam qilidu» dédi.
