erdoghan yéngi kabinét ezaliri bilen birge atatürkning qebrisini ziyaret qildi
jumhur reis rejep tayyip erdoghan yéngi kabinét ezaliri bilen birge (türkiye jumhuriyitining qurghuchisi atatürkning qebrisi jaylashqan) atatürk xatire sariyini ziyaret qildi.
türkiye awazi radiyosi xewiri: erdoghan shir yolidin méngip, atatürkning meqberisige yétip bardi we türkiye bayriqigha simwol qilinghan ay yultuzluq gül chembiriki qoyghan kéyin, sükütte turdi, andin türkiye dölet marshi oquldi.
erdoghan atatürk xatire sariyining alahide deptirige munularni yazdi:
«hörmetlik atatürk! jumhur reislik hökümet sistémisining 2- dewride yéngi kabinét ezaliri bilen birlikte huzuringizda turuptimiz. bügün kabinétimizning tunji yighinini ötküzüp, türkiye esirni qurush nishani bilen téz yolgha chiqmaqtimiz. türkiye jumhur reisi bolush süpitimiz bilen kabinét ezalirimiz bilen birge 85 milyon türkiye xelqige muhebbet bilen xizmet qilimiz. biz amanitingiz bolghan türkiye jumhuriyitimizning 100 - yilliqigha yétip kelgenlikimizdin hayajanlanmaqtimiz we heqliq yosunda iptixarliq hés qilmaqtimiz. bu yil (2023) ni inshaallah güllinish dewrimizning bashlinish nuqtisigha aylandurimiz. allah bizni millitimizning aldida xijalet qilmisun, rohingiz shad bolsun.»
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.
