chawushoghlu shiwéytsiyeni tégishlik qedemlerni tashlashqa chaqirdi

türkiye awazi radiyosi xewiri: tashqi ishlar ministiri mewlut chawushoghlu shiwéytsiyeni üch terep kélishim layihesige asasen mejburiyitini ada qilishqa we térrorizmgha qarshi küresh mesiliside  konkrét qedemlerni tashlashqa chaqirdi.

chawushoghlu  ammiwi ortaqlishish tor béti Twitter sehipiside élan qilghan bayanatida, shiwéytsiye diplomatiye ministiri tobiyas billstromning norwégiyening paytexti osloda ötküzülgen shimaliy atlantik ehdi teshkilati tashqi ishlar ministirliri yighini toghrisidiki bayanlirigha jawab berdi.

ministir chawushoghlu bayanatida, mundaq dédi: «shiwéytsiyelik dostlirimizgha nahayiti éniq qilip shundaq chaqiriqta bolimenki, üch terep kélishim layihesige asasen mejburiyitinglarni ada qilinglar we térrorizmgha qarshi küresh mesiliside  konkrét qedemlerni tashlanglar.»

shiwéytsiye tashqi ishlar ministiri tobiyas billstrom  ammiwi ortaqlishish tor béti Twitter sehipiside élan qilghan bayanatida, mundaq  dégenidi: ««bügün (tünügün) osloda chaqirilghan shimaliy atlantik ehdi teshkilati tashqi ishlar ministirliri yighini eza döletlerning shiwéytsiyening natogha eza bolushini küchlük qollaydighanliqini körsitip berdi. derweqe, bu shiwéytsiyening shimaliy atlantik ehdi teshkilatigha eza bolushi mesiliside türkiye bilen wéngiriyege bérilgen nahayiti ochuq bir signaldur.»