erdoghan saylamda xelqning, türkiyening we démokratiyening ghelibe qilghanliqini éytti
jumhur reis rejep tayyip erdoghan: «bizla ghelibe qilmiduq, belki türkiye ghelibe qildi, barliq xelqimiz we démokratiyemiz ghelibe qildi» dédi.
türkiye awazi radiyosi xewiri: jumhur reis rejep tayyip erdoghan ikkinchi aylanma jumhur reislik saylimida ghelibe qilghandin kéyin, ilgirikige oxshash, shundaqla enenige aylanghan «balkon nutuqi» ni, bu qétim paytext enqerediki jumhur reislik sariyining balkonida sözlidi.
u awaz bergen barliq puqralargha teshekkür éytidighanliqini eskertip, saylamda wezipe ötigen xadimlarni tebriklidi.
u mundaq dédi:
«bizla ghelibe qilmiduq, belki türkiye ghelibe qildi, barliq xelqimiz we démokratiyemiz ghelibe qildi. emdiki milliy nishanimiz, milliy arzulirimizni chöridep ittipaqlishidighan we birlishidighan peyttur.»
aliy saylam komitéti élan qilghan saylam netijilirige asaslanghanda, tünügün (28-may) ötküzülgen ikkinchi aylanma jumhur reislik saylimida %52.14 awazgha ériship, qaytidin jumhur reislikke saylandi.
