mewlüt chawushoghlu erméniyege naraziliq bildürdi

türkiye awazi radyosi xewiri:  tashqi ishlar ministiri mewlüt chawushoghlu erméniyede yopuqi échilghan némés heykili üstide toxtilip: «erméniyede eskerlirimizni we diplomatlirimizni shéhit qilghan térrorchilar üchün heykel tiklengenliki qobul qilghili bolmaydighan bir qedemdur. erméniyening emdi bu xataliqini tüzitishini ümid qilimiz» dédi.

chawushoghlu antalyada élan qilghan bayanatida: «erméniyede ötmüshte ezerbeyjanliq qérindashlirimizni hemde osmanli dewride eskerlirimizni we diplomatlirimizni shéhit qilghan térrorchilar üchün heykel tiklesh qobul qilghili bolmaydighan bir qedemdur» dédi.

ministir chawushoghlu yene mundaq dédi:

«bizmu bezi tedbirlerni yolgha qoyduq, üchinchi döletke uchidighan ayropilanliri üchün hawa tewelikimizni taqiduq. erméniyening emdi bu xataliqini tüzitishini kütmektimiz. biz erméniyege héchqandaq shert qoymiduq. <bu toqulma irqiy qirghinchiliq eyibleshliridin waz kechsun, biz shuninggha köre qedem tashlaymiz> démiduq. ularmu bizge <siler shuni étirap qilinglar> dep shert qoyalmaydu. netijide térrorchilarning heykilini tiklesh qobul qilghili bolmaydighan bir qedem hésablinidu. bizmu buninggha qarita bezi qarshi qedemlerni tashliduq. eger ular tüzetmeydiken, bizmu bir qisim qarshi qedemlerni tashlaymiz. lékin bu yerde uzaq muddetlik tinchliq üchün erméniyemu semimiy bolushi kérek. lachin karidoridiki ighwagerchilikliridin waz kéchishi kérek. qarabaghqa qanunsiz esker yaki qoral yollash qatarliq paaliyetlerdin we ighwagerchilikliridin waz kéchishi kérek.»