jumhur reis erdoghan 19 - may atatürkni xatirilesh, yashlar we tenterbiye bayrimini tebriklidi

türkiye awazi radiyosi xewiri: türkiye xelqining milliy küreshning bash qomandani we jumhuriyetning qurghuchisi ghazi mustapa kamal atatürkning samsungha yétip bérishining 104 – yilini xatirleshning xushalliqi we qizghinliqigha jür boluwatqanliqini tilgha alghan erdoghan, 19- may atatürkni xatirilesh, yashlar we tenterbiye bayrimini tebriklidi

ghazi mustapa kamal atatürk teripidin türk yashlirigha sowgha qilinghan 1919- yili  19- maygha «ejdadlarning imkansizliqlar ichidimu  küchlük iman we étiqad bilen qarshiliq körsitish rohini eslige keltürüshning simwoli» dep baha bergen erdoghan: «19- may türkiye xelqining birlik we ittipaqliq ichide jahangir küchlerge qarshi turidighanliqini, zulumgha bash egmeydighanliqini jakarlap, tarixta körülüp baqmighan eng büyük qehrimanliq dastanliridin birini yézishqa bashlighan kündur» dédi.

jumhur reis erdoghan ejdadlarning musteqilliqi we istiqbalini qoghdash yolidiki qehrimanliqlirini kéyinki ewladlargha eng janliq shekilde yetküzüshning özlirining asasliq mejburiyiti ikenlikini bayan qilip: «biz bu tonush bilen ejdadlirimizdin bir esir ilgiriki roh bilen tapshuruwalghan mubarek amanetlerni qoghdawatimiz. wetinimizning kelgüsining simwoli bolghan türkiye esirini berpa qiliwatimiz. küresh qilish rohimizni, büyük we küchlük türkiye qurup chiqish qizghinliqimizni saqlap qélish üchün yashlirimizni her sahede qollawatimiz, ularni her xil imkaniyet we pursetler bilen teminlewatimiz.

dölitimizning démokratiye we tereqqiyat qedemlirini layihilesh we yolgha qoyushta hemmidin bek yashlirimizgha ishinimiz. biz teminligen pursetlerdin eng yaxshi shekilde paydilinip, bizni pexirlendürgen yashlirimizdin iptixarlinimiz. dölitimizning güllinishi, tereqqiy qilishi, zoriyishigha egiship, yashlirimizning arzulirini emelge ashurushigha téximu küchlük hemdem bolimiz.

biz <türkiye esiri> tesewwurimizni tapshurghan yashlirimizning axirqi dölitimiz bolghan <jumhuriyitimiz>ni küchlük qoghdishi bizning kelgüsimizge ishench bilen qarishimizgha kapaletlik qilmaqta. men bu qarashlar bilen, 19- may atatürkni xatirilesh, yashlar we tenterbiye bayrimini yene bir qétim tebrikleymen, ghazi mustapa kamal atatürk bashta bolup, musteqilliq urushimizning barliq qehrimanlirini hörmet bilen esleymen» dégenlerni qeyt qildi.