chawushoghlu: moskwa yighinida süriyelik musapirlarni öz dölitige qayturush mesilisi muzakire qilinidu
dölitimiz (türkiye jumhuriyiti) diplomatiye ministiri mewlut chawushoghlu rusiyening paytexti moskwada ötküzülidighan yighinda, türkiyediki süriyelik musapirlarni bixeter halda öz dölitige qayturush mesilisining muzakire qilinidighanliqini éytti.
türkiye awazi radiyosi xewiri: diplomatiye ministiri mewlut chawushoghlu rusiyening paytexti moskwada ötküzülidighan töt tereplik bashliqlar yighinida, türkiyediki süriyelik musapirlarning öz dölitige bixeter halda qaytishigha kapaletlik qilish we buning üchün muhim asas tyyarlash qatarliq mesililerning muzakire qilinidighanliqini bayan qildi.
ministir chawushoghlu bir téléwiziye qanilida küntertipke dair mesililer heqqide toxtaldi.
chawushoghlu 10-may küni rusiyening paytexti moskwada türkiye, rusiye, iran we süriyediki beshshar esed hakimiyiti otturisida ötküzülidighan töt tereplik bashliqlar yighinida, türkiyediki süriyelik musapirlarning öz dölitige bixeter halda qaytishigha kapaletlik qilish we buning üchün muhim asaslarni teyyarlash qatarliq mesililerning muzakire qilinidighanliqini eskertti.
ministir chawushoghlu türkiyediki süriyelik musapirlarni öz dölitige bixeter halda qayturushning zörürlükini, bu heqte tirishchanliq körsitiwatqanliqlirni qeyt qildi.
u hazirghiche türkiyediki 550 ming süriyelik musapirning türkiye térrorchilardin tazilighan süriyening shimalidiki rayonlargha qaytqanliqini, qalghanlirinimu bixeter halda qayturush üchün beshshar esed hakimiyitidin sirt yene, birleshken döletler teshkilati, yawropa ittipaqi bilenmu hemkarliq ornitilishi lazimliqini bayan qildi.
mewlut chawushoghlu asas teyyarlanghan haman süriyelik musapirlarni öz dölitige pilan dairiside insanperwerlikni chiqish nuqta qilghan halda qayturush kéreklikini otturigha qoydi.
u beshshar esed hakimiyitining ilgiri süriyeliklerning öz dölitige qaytishi üchün kechürümname élan qilghanliqini eskertti, hemde süriyelik musapirlarning öz dölitige bixeter halda qaytishigha kapaletlik qilish musapisining birleshken döletler teshkilatining hemkarliqi astida ochuq - ashkara halda emelge ashurulushining zörürlükini tekitlep mundaq dédi: «beshshar esed hakimiyiti asasiy jehettin süriyeliklerning qaytishini xalaydu, emma hazir süriyeliklerning qaytishi üchün, ularning amanliqi, éhtiyajlirining qandurulup- qandurulmasliqi mesilisi téxi hel bolghini yoq. nöwette beshshar esed hakimiyiti bu mesilini teltöküs hel qilalmaywatidu.»
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.
