xulusi aqar qeyseride térrorluqqa qarshi muhim söz qildi

türkiye awazi radyosi xewiri: dölet mudapie ministiri xulusi aqar qeyseridiki bayanatida, türkiye qoralliq qisimlirining térrorluqqa qarshi küreshni qetiy irade bilen dawamlashturiwatqanliqini, iraqning shimalidiki térrorluq uwilirining bir-birlep bashlirigha örüp tashliniwatqanliqini, süriyening shimalida qurushmaqchi bolghan térorluq karidorining yimirilgenlikini we térrorchilarning özliri kolighan oreklerge köümüliwatqanliqini bildürdi.

xulusi aqar, «térrorluq axirlashmidi, küresh oxshash gheyret we qetiy irade bilen künséri kücheygen halda dawamlishiwatidu. yéqinqi 8 kün ichide 39 térorchi ujuqturuldi» dédi.

xulusi aqar qeyseridiki bayanatida yene, «bizning shanliq armiyemiz süriyening shimali we iraqning shimalidiki muweppeqiyetlik heriketliri bilen minglighan térrorchilarni birterep qildi. térrorchilarning uwulirini bashlirigha örüp tashlap, dölitimiz we millitimizning bixeterlikige qest qilmaqchi bolghan xainlargha  <térrorluq qeyerde bolsa, hujum nishanimiz shu yerde> dégen chüshenche bilen éghir zerbe berdi. térrorluqqa qarshi küreshte qolgha keltürgen muweppeqiyetlirimiz sayisida, emdilikte puqralirimiz tinch we bixeter yashawatqan bir türkiye mewjut. hazir gabar térorluq bilen emes, belki néfit zapisi bilen tilgha élinidighan boldi. shirnak tebiet we medeniyet sayahiti bilen kün tertipke kélidighan boldi. hakkarining yaylaqliri we taghliri térrorchilardin tazilanghan bolghachqa mana bügünki künde sayahetchilerni kütüwalidighan halgha keldi» dédi.