chawushoghlu türkiyening rusiye - ukraina urushiida körsetken tirishchanliqlirini hembehirlidi
tashqi ishlar ministiri mewlut chawushoghlu: «türkiye rusiye-ukraina urushidiki tinchliqning ümididur!» namliq yazmisida türkiyening tirishchanliqi bilen yer shari ashliq krizisining aldi élinghanliqini bildürdi.
türkiye awazi radiyosi xewiri: chawushoghlu tiwittér hésabida «rusiye-ukraina urushi: türkiyening tirishchanliqi, teshebibuskarliqi, insanperwerlik we ünümlük tashqi siyasiti» dégen uchuri arqiliq türkiyening 2022-yili 24- féwraldin buyanqi urush jeryanida dawamlashturiwatqan teshebbusliri we tirishchanliqlirini hembehirlidi.
chawushoghlu urush bashlanghandin kéyin, ikki döletning tashqi ishlar ministirlirini tunji qétim antalya diplomatiye munbiri yighinida bir yerge jem qilghanliqini bildürdi.
chawushoghlu jumhur reis rejep tayyip erdoghanning himayiside istanbulda söhbet komitétlirini kütüwalghanliqini eskertip, «biz b d t bilen istanbul ashliq kélishimini ishqa ashurduq, yer shari ashliq krizisining aldini alduq» dédi.
chawushoghlu ukraina bilen rusiye otturisida esir almashturushinimu ishqa ashurghanliqini we rusiye dölet atom énérgiye orgini (ROSATOM) bilen xelqara atom énérgiyesi orgini (IAEA) otturisidiki alaqinimu qolaylashturghanliqini éytti.
ministir chawushoghlu montrékis ehdinamisini inchikilik bilen yolgha qoyghanliqini uqturdi.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.
