erdoghan b d t bash katipi bilen téléfonlashti
dölitimiz (türkiye jumhuriyiti) jumhur reisi rejep tayyip erdoghan birleshken döletler teshkilati bash katipi antonyo gutérrés bilen téléfonda körüshti.
türkiye awazi radiyosi xewiri: türkiye jumhuriyiti jumhur reislik mehkimisi uchur – alaqe ishliri idarisining bildürüshiche, jumhur reis rejep tayyip erdoghan bilen birleshken döletler teshkilati bash katipi antonyo gutérrésning téléfon söhbitide, rusiye – ukraina urushi, süriye we sudandiki özgirishler heqqide muzakire élip bérilghan.
jumhur reis erdoghan birleshken döletler teshkilatining iyul éyida toshidighan süriyege chégra halqighan yardem méxanizmining mudditini uzartishining intayin muhimliqini bayan qilghan.
erdoghan qaradéngiz ashliq yötkesh paaliyitining dawamlishishighimu ehmiyet bérip kéliwatqanliqlirini eskertken, hemde amonyak turuba liniyesi mesilisidimu kélishim hasil qilinghan teqdirde, xizmet guruppisigha organlar ara heyetler arqiliq ishtirak qilishqa teyyar ikenliklirini bildürgen.
jumhur reis erdoghan sudanda toqunushuwatqan her ikki terep bilen diyalog ornitalighan birdinbir dölet bolush süpiti bilen, tereplerning qayta tinchliq söhbiti ötküzüshini ishqa ashurush we özara ixtilaplarni hel qilish üchün, birleshken döletler teshkilati bilen hemkarlishish we tinchliq söhbitige sahibxanliq qilishqa her waqit teyyar ikenliklirini tekitligen.
