erdoghan chégrada wezipe ötewatqan eskerlerning roza héytini tebriklidi

türkiye awazi radiyosi xewiri: türkiye jumhuriyiti dölet mudapie ministiri xulusi aqar armiye bash ishtab bashliqi général yashar güler we her qaysi qisimlarning qomandanliri bilen birlikte xataydiki 8 – komandir jengchiler qomandanliqigha bérip, eskerler bilen körüshti.

héyit küni etigende komandir jengchiler bilen nashta qilghan ministir aqar, arqidin hemrahliqidiki türkiye armiyesi qomandanliri bilen yighin achti.

jumhur reis erdoghan iraq we süriyening shimali bilen chégradash rayonlarda turushluq eskerlerning qomandanlirimu qatnashqan sin körünüshlük téléfon yighinigha téléfon qilip, eskerlerge xitab qildi.

sözini eskerlerning roza héytini tebriklesh bilen bashlighan jumhur reis erdoghan: «biz silerning meyli chégra boyliridiki, meyli chégraning ichi – sirtidiki küreshliringlarni herdaim iptixarlanghan halda yad étimiz, shundaqla utuqliringlarning dawamlishishini tileymiz. shéhitlirimizge allahtin rehim – shepqet, yaridarlirimiz we ghazilirimizgha shipaliqlar tileymen. nurghun héytlar we inshaallah muweppeqiyetlerge tolghan kelgüsi üchün dua qilimen» dégenlerni qeyt qildi.

jumhur reis erdoghan hakkarining yüksekowa rayoni mahya töpiliki herbiy bazisida wezipe ötewatqan eskerlerge qilghan xitabidimu eskerlerning roza héytini tebriklep: «silerning bu bazilardin chiqip körsetken qehrimanliqinglar, bu térrorluq etritining bu yerlerni makan tutushigha yol qoymidi» dédi.