aqar: térrorchilarning lagérlirini  yer bilen yeksan qiliwétish iradimiz qetiy

türkiye awazi radiyosi xewiri: dölet mudapie ministiri xulusi aqar türkiyening qeyseri wilayitide ötküzülgen bir murasimda qilghan sözide, térrorizmgha qarshi küreshning dölet ichi - sirtida muweppeqiyetlik halda dawamlishiwatqanliqini tekitlep mundaq dédi: «iraqning shimalidiki térrorchilarning lagérlirini yer bilen yeksan qiliwétish iradimiz qetiydur. bashqilar bu térrorchilargha meyli tik uchar bersun, meyli ayropilan, qoral – yaragh bersun yaki pul bersun, bu térrorchilarni qollawatqanlarning kim bolushidin qetiynezer, 85 milyon xelqimiz we chégralirimizning bixeterlikini kapalet astigha alghangha qeder, uda 40 yildin buyan eziz xelqimizge musellet boluwatqan bu balayiapettin xelqimizni xalas tapquzghangha qeder térrorizmgha qarshi kürishimizni qetiy dawamlashturimiz. bu heqte bizni héchkim tosiyalmaydu.»

ministir aqar türkiye armiyesining süriyening shimalida térrorchilar karidori berpa qilish pilanini bitchit qilghanliqini we térorchilarni özliri kolighan xendeklerge kömgenlikini eskertip mundaq dédi: ««bizning héchkimning diniy, milliy yaki mezhep xaraktérlik kimliki bilen héchqandaq mesilimiz yoq. bizning birdinbir zerbe bérish nishanimiz térorchilardur, bu nishanimizgha asasen, térorchilar qeyerde bolsa, bizning zerbe bérish nishanimizmu shu yer bolidu.»