chawushoghlu awstriye tashqi ishlar ministiri bilen körüshti
dölitimiz (türkiye jumhuriyiti) tashqi ishlar ministiri mewlut chawushoghlu awstriye diplomatiye ministiri aléksandir shallénbérg bilen körüshti.
türkiye awazi radiyosi xewiri: ministir chawushoghlu ammiwi ortaqlishish tor béti Twitter sehipiside, awstriyening paytexti wéyanna ziyariti heqqide bayanat élan qildi.
chawushoghlu bayanatida, paytext wéyannada awstriye diplomatiye ministiri aléksandir shallénbérg bilen körüshkenlikini, shundaqla 6 – féwral küni qahramanmarashni merkez qilghan türkiyening 11 wilayitide yüz bergen yer tewresh apitidin kéyin türkiyege bergen yardemliri üchün awstriyege minnetdarliq bildürgenlikini tekitlep mundaq dédi: «ikki dölet otturisidiki iqtisadiy, soda we medeniyet hemkarliqimizni dawamlashturimiz. uchrishishta ukraina, süriye we kawkaz rayonidiki özgirishler toghriliq muzakire élip barduq.»
tashqi ishlar ministiri mewlut chawushoghlu awstriye diplomatiye ministiri aléksandir shallénbérg bilen körüshüshke türkiyening yerlik aptomobili togg bilen bardi.
igilinishiche, ministir chawushoghlu awstriyening paytexti wéyannada ishqa ashuridighan barliq uchrishishlirigha togg aptomobili bilen baridiken.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.