erdoghan TCG anadoluni ékskursiye qildi
jumhur reis rejep tayyip erdoghan tünügün murasim arqiliq türkiye déngiz armiyesige tapshurup bérilgen dunya boyiche tunji eng chong qoralliq uchquchisiz ayropilan toshughuchi paraxoti — TCG anadoluni ékskursiye qildi.
türkiye awazi radiyosi xewiri: istanbulning tuzla rayonidiki kémesazliq zawutini ékskursiye qilghan jumhur reis erdoghan, toshughuchi paraxotning palubidiki uchush yolida turuwatqan uchquchisiz milliy urush ayropilani — qizilelmanimu közdin kechürdi.
erdoghan bayqar téxnika shirkiti rehbiri selchuk bayraqtardin qizilelmaning paraxottin tunji qétim qachan uchidighanliqini soridi, bayraqtar jawab bérip: «paraxottin uchushni kücheytish xizmetliri dawamlishiwatidu. inshaallah tunji uchush 2025- yili ishqa ashurulidu» dédi.
andin erdoghan jumhur ittipaqini teshkil qilghan partiyelerning rehberliri bilen birlikte türkiyening yerlik uchquchisiz urush ayropilani qizilelmaning aldida xatire süretke chüshti.
jumhur reis erdoghan paraxotning kapitan zalidiki ziyaretchiler xatire deptirige köngül sözliri yazdi.
yasash xizmetliri tuzladiki sedef kémesazliq zawutida bashlanghan TCG anadolu köp iqtidarliq ammibab hujum paraxoti türi 6 yilda tamamlandi.