aqar: dölitimiz her daim xelqining yénida
dölet mudapie ministiri xulusi aqar 6-féwral (2023) yüz bergen yer tewreshtin kéyinla türkiye jumhuriyiti dölitining puqraliri we xelqining yénida bolghanliqini bildürdi.
türkiye awazi radiyosi xewiri: ministir aqar tünügün (6-aprél) paytext enqerediki ghazi qarargahida bergen bayanatida, türkiye armiyesining yer tewresh yüz bergen haman derhal heriketke ötüp, keng xelq ammisining yardimige atlanghanliqini bayan qildi.
aqar türkiyening tarixtin buyan nurghun qiyin ötkellerge duch kelgenlikini tekitlep mundaq dédi: «xudagha shükri, biz bu qiyin ötkellerdin muweppeqiyetlik halda öttuq. dölitimiz bilen eziz xelqimiz birlik we barawerlik asasida mürini mürige tirep küresh qilip, yer tewresh apitidin kéyinki bu qiyin ötkeldinmu choqum muweppeqiyetlik halda ötimiz.»
ministir aqar türkiye armiyesining yer tewreshtin kéyinki apet rayonlirini tézdin eslige keltürüsh paaliyetlirige qatnashqandin bashqa, iraq we süriyening shimalidiki térrorizimgha qarshi kürishini, shundaqla quruqluq, hawa we déngizlardiki heq – hoquqliri, tüp menpeetlirini qoghdash kürishini üzlüksiz dawamlashturuwatqanliqini tekitlidi.
