чавушоғлу: лавров түркийәни зийарәт қилиду
ташқи ишлар министири чавушоғлу русийә ташқи ишлар министири лавровниң 6-7-апрел күнлири түркийәни зийарәт қилидиғанлиқини билдүрди.
түркийә авази радийоси хәвири: түркийә ташқи ишлар министири мәвлүт чавушоғлу түркийә, русийә, сүрийә вә иран қатарлиқ дөләтләр муавин министир сәвийәсидә қатнишидиған төт тәрәп йиғининиң 3-4-апрел күнлири русийә пайтәхти москвада ечилдиғанлиқини елан қилди.
ташқи ишлар министири чавушоғлу б д т дики 30-март хәлқаралиқ нөл әхләт күни мунасивити билән өткүзүлгән йиғинға қатнишиш үчүн йетип кәлгән нийу йоркта, түрк өйидә бир гуруппа түркийәлик мухбирлар билән ташқи сийасәттики өзгиришләр тоғрисида сөһбәт өткүзди.
у русийә ташқи ишлар министири сергей лавровниң түркийә зийарити тоғрисидики соалға, қаһраманмарашта йүз бәргән йәр тәврәш апәтлиридин кейин, түркийәни зийарәт қилмақчи болған лавровниң 6-7-апрел түркийәдә болидиғанлиқини, зийарәттә икки тәрәп мунасивәтлиридә сақлиниватқан охшимиған мәсилиләрниң музакирә қилиндиғанлиқини ейтти.
у йәр тәвәрш апәтлиридин кейин русийәниң көп йардәмләрни қилғанлиқини хатирилитип: «кәң даиридә сөһбәтлишидиған темилар бар. ашлиқ келишимини узартиш мәсилисиму бар. 30-март б д т баш катипи биләнму ашлиқ келишими тоғрисида сөһбәтләштуқ. русийә ашлиқ келишимини 60 күн узартилишиға қошулди. 120 күн узартиш һазирчә ениқ әмәс, бу мәсилиләр үстидиму сөһбәтлишимиз» деди.
у лавров билән сүрийә, ливийә вә башқа район мәсилиләрниңму музакирә қилинидиғанлиқини билдүрүп, сүрийәгә мунасивәтлик сийасий мусапә, көчмәнләрниң әһвали вә йәр тәврәшләрдин кейин у йәрләргә қилинидиған инсанпәрвәрлик йардәмләрни көпәйтиш мәсилилириниңму музакирә қилинидиғанлиқини әскәртти.
у ахирида, муавин ташқи ишлар министирлири сәвийәсидә өткүзүлидиған төт тәрәп йиғининиң 3-4-апрел күнлири москвада ечилидиғанлиқини билдүрди.
مۇناسىۋەتلىك خەۋەرلەر
австрийә ташқи ишлар министири александир шалленберг түркийәдә зийарәттә болиду
австрийә ташқи ишлар министири александир шалленберг бүгүн түркийәдә дөләт ишлири зийаритидә болиду.