erdoghan finlandiye pirézidénti bilen körüshti
dölitimiz (türkiye jumhuriyiti) jumhur reisi rejep tayyip erdoghan rehberlik diplomatiyesi dairiside bügün (17-mart) finlandiye pirézidénti sauli ninisto bilen paytext enqerede bir yerge jem boldi.
türkiye awazi radiyosi xewiri: erdoghan aldi bilen finlandiye pirézidénti sauli ninistoni jumhur reislik mehkimiside resmiy murasim arqiliq qarshi aldi.
ikki rehber resmiy murasimdin kéyin ayrim körüshti. bu uchrishishning asasliq küntertipini finlandiyening shimaliy atlantik ehdi teshkilatigha eza bolushi mesilisi teshkil qilmaqta.
uchrishishta, jumhur reis erdoghan bilen finlandiye pirézidénti ninisto 2022-yili 6-ayda madridta imzalanghan üch terep kélishim layihesining hazirqi ehwali heqqide muzakire élip barmaqta.
uchrishishta yene, finlandiyening mezkur kélishim layihesi dairiside bergen wedilirige emel qilip -qilmighanliqi közdin kechürülmekte.
ikki rehberning uchrishishida türkiye – finlandiye munasiwetliri toghriliqmu muzakire élip bérilmaqta.
buningdin bashqa yene, rayonluq we xelqaraliq özgirishler heqqide söhbet ötküzülmekte.
jumhur reis erdoghan bilen finlandiye pirézidénti ninisto uchrishishlardin kéyin birleshme axbarat élan qilish yighini ötküzidu.
