qalin washingtonda amérika kongre ezaliri bilen körüshti

türkiye awazi radiyosi xewiri: jumhur reislik mehkimisi bayanatchisi ibrahim qalin amérika paytexti washingtondiki ziyaritining axirqi künide, bezi kéngesh palata ezaliri bilen körüshti.

uchrishishlarda, türkiye-amérika munasiwetlirining istratégiyelik ehmiyiti muzakire qilindi.

ibrahim qalin ötken yili (2022) iyulda özi bilen körüshken edliye komitétining pishqedem kéngesh palata ezasi lindsi graham (Lindsay Graham) ni ishxanisida ziyaret qildi.

körüshüshte, ikki dölet munasiwetliri, türkiyediki yer tewresh apetliridin kéyin bashlinidighan yaxshilash we qaytidin qurulush musapisi, mudapie sanaiti sahesidiki özara hemkarliqlarning aldidiki tosqunluqlarni emeldin qaldurush mesililiri muzakire qilindi. buningdin bashqa yene, térrorluqqa qarshi küreshte hemkarlishish, shiwétsiye bilen finlandiyening natogha eza bolush musapisi, ukraina-rusiye urushining tereqqiyati, ashliq yötkesh kélishimini uzartishta türkiyening roli we rayonluq mesililermu muzakire qilindi.