erdoghan saylam qararnamesini imzalidi

türkiye awazi radiyosi xewiri: jumhur reis erdoghan paytext enqerediki jumhur reislik mehkimiside jumhur reislik we 28 – nöwetlik parlamént ezaliri saylamlirining 14 – may küni ötküzülüshige dair qararnameni imzalighandin kéyin bayanat élan  qildi.

erdoghan bayanatida, asasiy qanunning 116 – maddisigha asasen jumhur reislik  we 28 – nöwetlik parlamént ezaliri saylamlirining 14 – may küni ötküzülüshige dair qararnameni imzalighanliqini tekitlidi.

erdoghan jumhur reislik we 28 – nöwetlik parlamént ezaliri saylamlirining 14 – may küni ötküzülidighanliqini bu yil kirgen haman jamaetchilikke élan qilghanliqlirini qeyt qildi.

jumhur reis erdoghan  saylam waqtini bir ay etrapida ilgiri sürüsh qarari chiqirilishning bezi seweblirini mundaq chüshendürdi:

 «aldi bilen, 18-iyun milyonlighan yashlarning kélechiki bilen zich munasiwetlik uniwérsitét imtihani kaléndarigha toghra kélidighan waqit idi. yene kélip, bu waqit dölet ichi - sirtidiki yüzminglighan puqralirimizning muqeddes jay heremge bérip hej qilidighan mezgilge toghra kéletti. bashlanghuch we ottura mektep oqughuchiliri saylam harpisida tetilge qoyup bérilidighanliqi üchün, milyonlighan puqralirimiz her yiliqigha oxshash bu yilmu yurti yaki dem élish menzilige qarap seperge atlinatti. mana mushundaq sewebler tüpeylidin, 18-iyun xelqimiz iradisini bélet sanduqida toluq eks ettürüleydighan kün emes iken, dep yekün chiqarduq. shuning bilen, jumhur reislik we 28 – nöwetlik parlamént ezaliri saylamlirining 14 – may küni ötküzülüshini qararlashturduq.»