erdoghan: türkiyening 100 yilliq qutluq dewri nishanigha yashlirimiz bilen birlikte yétimiz

türkiye awazi radiyosi xewiri: jumhur reis erdoghan, yashlar we tenterbiye ministirliqining qishliq paaliyetlerni axirlashturush pirogrammisigha yollighan sinliq uchurida, 15 wilayettiki 15 oxshimighan témida élip bérilghan qishliq paaliyetlerning yettinchisining tamamlghanliqini bayan qildi.

erdoghan, 30-yanwardin bashlap élip bériliwatqan paaliyetler dawamida, yashlarning arxéologiyedin qishliq tenheriketkiche, tor alaqisidin güzel senetkiche, inzhénérliqtin pisxologiye we edebiyatqiche bolghan nurghun sahelerde bilim ashurghanliqini tekitlidi.

jumhur reis erdoghan, uchurida, yashlargha xitaben mundaq dédi: «ishlenglar, ishlepchiqiringlar, arzu – armanlarni könglünglargha pükünglar, kelgüsige bolghan ümidinglarni hergiz yoqitip qoymanglar.»

erdoghan, sözini dawamlashturup mundaq dédi: «biz yéqinqi 20 yilda yashlirimiz bilen mürini mürige tirep  küresh qilip, wetinimizni tarixidiki eng zor muweppeqiyetliri bilen tonushturduq. xudayim buyrisa, türkiyening 100 yilliq qutluq dewri nishanighimu yene siz yashlar bilen birlikte yétimiz. bu basquchta, silerdin kütidighinimiz, silerning dölitinglargha ishinishinglar, özünglargha ishinishinglar we özünglarning pexirlik bir milletning ewladliri ikenlikinglarni esla untup qalmasliqinglardur.»

jumhur reis erdoghan, kéyinche istanbul wilayitining sultanbeyli nahiyeside rémont ishliri pütken «aydos qelesi» we «sultan  ormanzarliqi» ni ishqa kirishtürüsh  murasimigha qatnashti.