chawushoghlu süriyening öktichi rehberliri bilen körüshti
tashqi ishlar ministiri mewlut chawushoghlu paytext enqerede süriye öktichiler we inqilabi küchler milliy ittipaqning reisi salim el muslat, süriye muzakire komitéti reisi bedir jamus we süriye waqitliq hökümet reisi abduraxman mustafa bilen körüshti.
1927542
türkiye awazi radiyosi xewiri: mewlut chawushoghlu tiwittérdiki yazmisida, tashqi ishlar ministirliqida süriyening öktichi rehberliri bilen körüshkenliki üstide toxtilip, «süriyening eng yéngi weziyitini muzakirileshtuq. b d t ning 2254 - nomurluq qararigha asasen süriyediki öktichilerni we xelqini qollaydighanliqimizni qayta tekitliduq» dédi.
birleshken döletler teshkilati xewpsizlik kéngishi teripidin 2015 - yili dékabirda hemmining teng awaz bérishi bilen testiqlanghan 2254 - nomurluq qarar, süriyening her qaysi jaylirida jiddi urush toxtitishqa kapaletlik qilish we shuning bilen bir waqitta, siyasiy muzakirilerni bashlash, ikki yil ichide «ittipaqliq hökümiti» qurush we andin saylamlarning ötküzülishi telep qilinghan idi.
