altun: türkiye nöwette bir muqimliq arili

türkiye awazi radiyosi xewiri: türkiye jumhuriyiti jumhur reislik mehkimisi uchur – alaqe ishliri idarisi bashliqi fahrettin altun, dunyada intayin éghir énérgiye kirizisining barliqini, türkiyening énérgiye kirizisini bashqurush bilen birlikte, döletni énérgiye merkizige aylandurush üchün estayidil qedemlerni tashlighanliqini éytti.

altun aldinqi esirning 70-yillirida dunyada yüz bergen énérgiye kirizisini tilgha élip, türkiyeningmu u yillarda nurghunlighan ijtimaiy we iqtisadiy mesililerge qarshi küresh qilghanliqigha isharet qilghan halda: «aldinqi esirning 70-yilliri dunyadiki éghir énérgiye we néfit kirizisi dewri idi, türkiyemu bu kirizisning küchlük tesirige uchrighanidi» dédi.

u bügünmu dunyada intayin éghir énérgiye kirizisining barliqini tekitlep: «lékin, bügünning türkiyesi bu énérgiye kirizisini bashquruwatidu, hetta türkiyeni tarixida körülüp baqmighan derijide bir énérgiye merkizige aylandurush üchün muhim qedemlerni tashlimaqta» dédi.

2002-yildin kéyin türkiyening intayin zor özgirishlerni bashtin kechürgenlikini we bügünki künde dunyadiki kirizislargha qarimay, bir muqimliq arili boluwatqanliqini tekitligen alton, sözini dawamlashturup: «türkiye bügünki künde rayon we dunya tinchliqigha xizmet qiliwatqan muqimlashturghuchi küchtur» dégenlerni qeyt qildi.