erdoghan: türkiye her qétimliq yer shariwi krizis mezgilide küch-quwwetke érishti

türkiye awazi radiyosi xewiri: jumhur reis erdoghan, mardinda ishqa ashurulghan bezi muesseselerni ammiwi halda ishqa kirishtürüsh murasimida qilghan sözide, aldinqi 20 yil ichide mardinni 48 milyard liraliq sélinma arqiliq her sahede qollap – quwwetlep, güllendürgenliklirini éytti.

qaraman – adana – gaziantep  téz süretlik poyiz layihesini taki mardinghiche ishqa ashuridighanliqlirini eskertken jumhur reis erdoghan, 3 milyon yoluchi sighidighan yéngi mardin ayrodurumining namining, buningdin kéyin nobél mukapatliq piroféssor doktor eziz sanjarning ismi bilen xatirilinidighanliqini we ayrodurumning ismining «mardin eziz sanjar ayrodurumi» gha özgertilidighanliqini uqturdi, hemde bügün 3 néfit quduqini ishqa kirishtürgenliklirini tekitlep mundaq dédi: « türkiyening 100 yilliq qutluq dewri nishanigha siler bilen birlikte yétidighan 2023 – yilliq zepirimizdin kéyin, dölitimizni dunya boyiche iqtisadiy küchlük eng qudretlik 10 dölet qatarigha kirgüzimiz.»

u, her qétimliq yer shariwi krizis mezgilide, dunyadiki siyasiy we iqtisadiy tengpungluq astin – üstün bolup ketkende, türkiyening qudret tépip, küch-quwwetke érishkenlikini éytti.

bu ariliqta, jumhur reis erdoghan, ammiwi ortaqlishish tor bétidiki sehipiside, mardinning özige xas medeniyet alahidilikliridin sirt yene, sheherge séliniwatqan sélinmilarmu orun alghan bir widéoni ortaqlashti.

«<türkiyening 100 yilliq qutluq dewri nishani> naxshisi» türk, kord, ereb we süryani tillirida awazgha élinghan widéoda, jumhur reis erdoghanmu naxsha tékistini oquydu.

erdoghan, uchurida, mundaq deydu: «mardin, türkiyening 100 yilliq qutluq dewri nishanigha birlikte yétishke, 2023 – yili bixeter, behuzur we bayashat türkiyening yolini yene bir qétim échishqa teyyardur.»