чавушоғлу римда ақдеңиз дийалог мунбириға қатнишиду

түркийә авази радийоси хәвири: ташқи ишлар министирлиқи мәвлүт чавушоғлуниң италийә пайтәхти римда 8-қетимлиқ ақдеңиз дийалог мунбириға қатнишидиғанлиқи тоғрисида байанат елан қилди.

байанатта, «һөрмәтлик министиримиз римда өткүзүлидиған 8-қетимлиқ ақдеңиз дийалог мунбириға қатнишиш үчүн 1-2-декабир күнлири римда болиду. у 2-декабирдики мәхсус дийалог йиғинида, районлуқ вә хәлқаралиқ мәсилиләргә мунасивәтлик ташқи сийаситимиз һәққидә сөз қилиду» дейилди.

байанатта йәнә, чавушоғлуниң бу вәсилә билән йиғинға қатнишидиған дөләтләрниң ташқи ишлар министирлири вә хәлқаралиқ тәшкилатларниң вәкиллири билән көрүшидиғанлиқи билдүрлди.