erdoghan bilen shentop  atatürkni xatirilesh küni munasiwiti bilen bayanat élan  qildi

türkiye awazi radiyosi xewiri: türkiye jumhuriyiti jumhur reisi rejep tayyip erdoghan, arimizdin ayrilghanliqining 84 – yilliq xatire küni munasiwiti bilen, mustapa kamal atatürkni, ammiwi ortaqlishish tor bétidiki sehipiside saet 9 din 5 minut ötkende élan qilghan bayanati arqiliq yad etti.

jumhur reis erdoghan, bayanatida, mundaq dédi: «musteqilliq kürishimizning bash qomandani, jumhuriyitimizning qurghuchisi ghazi mustapa kamal  atatürkni, uning alemdin ötkenlikining 84 – yilliq xatire künide, chongqur hörmet, séghinish we minnetdarliq ilkide yad étimen.»

türkiye büyük millet mejlisi bashliqi mustafa shentopmu, bu heqte élan qilghan bayanatida, türkiye büyük millet mejlisining tunji bashliqi, milliy  küreshning bash qomandani, türkiye jumhuriyitining tunji jumhur reisi ghazi mustapa kamal atatürkni, arimizdin ayrilghanliqining 84 – yilliq xatire küni munasiwiti bilen chongqur hörmet, séghinish we minnetdarliq ilkide yad étidighanliqlirini tekitlep mundaq dédi:  «milliy mewjudiyitimizni ebediy erkin we musteqil dawamlashturush yolida, eqil- paraset we jasaret bilen muhim qarar chiqarghan ghazi mustapa kamal atatürk, bizge <eng chong yadikarliq> jumhuriyetni miras qaldurdi. türkiye jumhuriyiti,millitimizning tewrenmes birliki we hemishe <toluq musteqilliq / herdaim erkinlik> éngigha asasen menggü yashnaydu.»

«asaretke bash egmigen bir milletning ewladi we rehbiri bolghan atatürk hemde uning qehriman sepdashliri bizge amanet qoyup ketken mesuliyetni tonup yétip, milliy küresh rohi asasida, hemmimiz birlikte yüz yillarche ghelibe menzilgahigha qarap ghelibiséri algha ilgirileymiz.»