erdoghan mongghuliyelik heyetning ziyaritini qobul qildi
jumhur reis rejep tayyip erdoghan mongghuliye döletlik büyük mejlis bashliqi zandanshatar gombojaw we dunya suryani katolik patrigi mor ignatius yüsüp 3 – yunan we ularning hemrahliqidiki heyetlerning ziyaritini qobul qildi.
1894023
türkiye awazi radiyosi xewiri: jumhur reislik sariyida ötküzülgen kütüwélish murasimining birinchiside, mongghuliye döletlik büyük mejlis bashliqi zandanshatar gombojaw jumhur reis erdoghangha «altérish qutluq qaghan pütüki» ning köpeytilgen nusxisini sowgha qildi.
bu pütük awghustta mongghuliyening ötüken rayonida élip bérilghan ilmiy arxologiyelik qizip tekshürüsh dairiside bayqalghan bolup, göktürkler dewridiki eng qedimiy yazma yadikarliq (552-745) dep xatirilengen idi. bu pütükte «türk» dégen söz ishlitilgen idi.
jumhur reis erdoghangha hediye qilinghan mezkur pütük, shuning birdin bir köpeytilgen nusxisi bolush alahidilikige ige.
ikkinchi qobul qilish murasimi axbaratqa yépiq shekilde ötküzüldi.
