erdoghan istanbulda qatar emiri al sani bilen körüshti
jumhur reis rejep tayyip erdoghan türkiyede dölet ishliri ziyaritide bolghan qatar emiri sheyx temim bin hemed al sani bilen körüshti.
türkiye awazi radiyosi xewiri: jumhur reis erdoghan istanbuldiki dolmabahche sariyidiki ishxanisida qatar emiri sheyx temim bin al sani bilen yépiq uchrishish ötküzdi؛ uchrishishtin kéyin, ikki rehber ikki döletning alaqidar ministirlirining ishtirak qilishi bilen türkiye – qatar yuqiri derijilik istratégiyelik komitétining 8 – nöwetlik yighinigha riyasetchilik qildi.
tashqi ishlar ministiri mewlüt chawushoghlu bilen qatar bash ministir yardemchisi, qoshumche tashqi ishlar ministiri muhemmed bin abdurrahman al sani yighindin kéyin qoshma xitabnamige imza qoydi.
jumhur reis erdoghan bilen qatar emiri sheyx temimmu ishtirak qilghan murasimda yene, her xil saheler boyiche 11 türlük hemkarliq kélishimi imzalandi.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.