«qirghizistan – tajikistan otturisidiki kirizisning diyalog arqiliq hel qilinishini ümid qilimiz»
türkiye qirghizistan – tajikistan chégra liniyesidiki yéqinqi özgirishlerning endishilik ehwal ikenlikini we saqliniwatqan mesililerning diyalog arqiliq hel qilinishini ümid qilidighanliqini bildürdi.
türkiye awazi radiyosi xewiri: türkiye jumhuriyiti dölet mudapie ministirliqi teripidin, qirghizistan – tajikistan chégra liniyesidiki toqunushlar heqqide élan qilinghan yazma bayanatta, mundaq déyildi: «qirghizistan – tajikistan chégra liniyesidiki yéqinqi özgirishlerdin qattiq endishe qiliwatimiz. dost we qérindash ikki dölet otturisidiki bu jiddiychilikke herqandaq shekilde téximu ewj élip kétishining aldini élip, eng qisqa waqit ichide xatime bérilishi we saqliniwatqan mesililerning diyalog asasida tinch yol bilen hel qilinishini ümid qilimiz.»
qirghizistan – tajikistan chégra liniyeside, ikki döletning chégra mudapie qisimliri otturisidiki qoralliq toqunush tünügün bashlanghanidi.
ikki dölet otturisidiki chégra majirasi sewebidin, bolupmu, yer, déhqanchiliq meydanlirini sughirish, haywanlarni béqish, etkeschilik, ortaq yol ishlitish we chégradin ruxsetsiz ötüsh qatarliq sewebler tüpeylidin rayonda jiddiylik yüz bermekte.
qirghizistan, 2021 – yili 21 – maydin étibaren, chégra ixtilapi hel bolghangha qeder tajikistan bilen tamozhna éghizlirini taqighanidi.
