türkiye éfiyopiye weziyitini yéqindin közitiwatqanliqini bildürdi

türkiye awazi radiyosi xewiri: türkiye jumhuriyiti tashqi ishlar ministirliqi bayanat élan qilip, éfiyopiyediki fédératip hökümet 24 – martta élan qilghan muddetsiz insaniy urush toxtitish élanigha xilap halda toqunushlarning qaytidin bashlanghanliqi toghrisidiki xewelerdin epsuslanghanliqini we özgirishlerni yéqindin közitiwatqanliqini bildürdi.

«dölette zorawanliqning üzül - késil axirlishishi, tinchliq we muqimliq ornitish üchün tereplerni söhbet üstilige qaytip kélishke teklip qilimiz. biz bu dairide her xil yardemlerni bérishke teyyar ikenlikimizni qayta tekitleymiz» dégen ibarilerge orun bérilgen bayanatta, türkiyening éfiyopiyening tinchliqi, xatirjemliki we muqimliqini qoghdash tirishchanliqini dawamliq qollaydighanliqi tekitlendi.