türkiye-ezerbeyjan-giruziye ministirlar yighini ötküzüldi

türkiye awazi radiyosi xewiri: tükiye qatnash ministiri karaismailoghlu giruziye paytexti tiblista ötküzülgen türkiye-ezerbeyjan-giruziye üch terep ministirlar yighinigha qatnashti.

u axbaratqa yépiq shekilde we texminen bir saet dawamlashqan üch terep yighinini axirlashturup, muxbirlarni kütüwaldi.

u türkiye, giruziye we ezerbeyjanning dost, shundaqla qérindash döletler ikenlikini eskertip, döletler otturisidiki qatnash karidorlirini téximu tereqqiy qildurush üchün özara uchrishishlarni dawamlashturuwatqanliqlirini bildürdi.

u: «bu uchrishishlar netijiside döletlirimiz menpeetke érishidu. qatnash karidorliri qanchilik küchlük bolsa, arimizdiki ittipaqliq hem ijtimaiy hemde iqtisadiy sewiyede téximu tereqqiy qilidu» dédi.

u baku-tiblis-kars tömür yoli we türkiyediki marmaray tömür yoli layihelirining emelge ashurulghanliqini eskertip: «hazir xitaydin yolgha chiqqanche londonghiche baralaydighan poyizlirimiz qatnashni bashlidi. barliq yoshurun küchlerni qizip chiqirish üchün buningdin kéyin némilerni qilalaydighanliqimiz toghrisida körüshüwatimiz» dédi.