soylu: aghridiki «tendürek téghi» térrorchilardin tazilandi
ichki ishlar ministiri sulayman soylu aghridiki «tendürek téghi» ning térrorchilardin pütünley tazilanghanliqini éytti.
türkiye awazi radiyosi xewiri: soylu, «eren qamal qilish – 32» herbiy herikiti dairiside, biri «apélsin renglik tutush buyruqi chiqirilghanlar tizimliki» din, yene biri «kül renglik tutush buyruqi chiqirilghanlar tizimliki» din orun alghan 2 térrorchining bir terep qilinghanliqini bildürdi.
u, shuning bilen, aghridiki «tendürek téghi» ning térrorchilardin pütünley tazilanghanliqinimu sözlirige ilawe qildi.
bu ariliqta, iraqning shimalidiki «penje – qulup» herbiy herikiti rayonida bölgünchi térrorluq teshkilati p k k ezasi 3 térrorchi bir terep qilindi.
türkiye jumhuriyiti dölet mudapie ministirliqi teripidin élan qilinghan bayanatta, türkiye armiyesining dölet ichi-sirtida térrorizm we térrorchilargha qarshi qehrimanlarche küresh qiliwatqanliqi tekitlinip mundaq déyildi: «bu dairide, iraqning shimalidiki ‹penje – qulup› herbiy herikiti rayonida éniqlap chiqilghan bölgünchi térrorluq teshkilati p k k mensubi 3 térrorchi bir terep qilindi.»