erdoghan qibris tinchliq herikitining 48-yilliqini tebriklidi

türkiye awazi radiyosi xewiri:jumhur reis rejep tayyip erdoghan qibris tinchliq herikitining 48-yilliqi munasiwiti bilen, shimaliy qibris türk jumhuriyiti jumhur reisi ersn tatargha tebrik télégrammisi ewetti.

u tebrik télégrammisira mundaq dédi: «aralning igilik hoquqluq barawer we ortaq xojayini bolghan qibris türk xelqining heq-hoquqi, mewjutluqi we igilik hoquqini qestligen heriketlerni tarixqa ebediylikke kömgen hemde qibris türk xelqini tinchliqqa, erkinlikke érishtürgen qibris tinchliq herikitimizning 48-yilliqi munasiwiti bilen, xelqim we shexsiy namimdin sizni shundaqla qibris türk xelqini chin könglümdin tebrikleymen.

tarixiy musape jeryanida bashtin-axir tinchliq we mesilini hel qilish iradisini ispatlap kelgen qibris türk xelqi, türlük qanuniy we insaniyetke xilap cheklimilerge uchrishigha qarimay, her sorunda birlik we ittipaqliq éngi hemde qetiy iradisi bilen her xil xirislarni yéngish küchi we iradisining barliqini körsetti.

bu munasiwet bilen, büyük türk xelqi we shexsiy namimdin qibris türk xelqining tinchliq hemde erkinlik künini chin qelbimdin tebrikleymen. bu muqeddes küreshte, jénini pida qilghan eziz shéhitlirimizni rehmet we minnet؛ qehriman ghazilirimizni chongqur hörmet bilen esleymen. qibris türk xelqining bayashadliqi, ésenliki we xushalliqining ebediy bolushi üchün eng yaxshi tileklirimni yetküzimen.»