чавушоғлу: түркийә районлуқ күчини зорайтиватқан бир дөләткә айланди

түркийә авази радийоси хәвири: чавушоғлу, бингөл университети рәҗәп таййип әрдоған қурултай мәркизидә өткүзүлгән «игилик тикләш вә инсанпәрвәрлик нуқтисидин түркийәниң дипломатийә сийасити конферанси» да қилған сөзидә, түркийәниң 3 чоң қитәниң мәркизигә җайлашқан муһим дөләт икәнликини тәкитләп мундақ деди: «биз қарадеңиз, балқан, оттура шәрқ вә ақдеңиз дөлитимиз. шундақла, биз кавказдин африқағичә созулған җуғрапийәниң мәркизидимиз. шуңлашқа, биз бундақ бир мәркәздә интайин күчлүк болушимиз керәк. дунйадики киризислар вә тоқунушларниң 60% ти бизниң җуғрапийәмиздә болуватиду. бу болса бизгә биваситә тәсир көрситиватиду. дөлитимиз, бу қийин өткәлләргә қаримай, һәтта бу қийин өткәлләрдин тәҗрибә – савақларни йәкүнләп,  районлуқ күчини зорайтиватқан бир дөләткә айланди.»

түркийәниң йәр шариви бир актийорға айланғанлиқини, дипломатийә сийаситини йолға қойушқа тегишлик дөләтләрниң интайин көплүкини әскәрткән чавушоғлу, көңүл бөлүшкә тегишлик мәсилилириниң һәм көп һәм даирисиниң наһайити кәңликини қәйт қилди.