türkiye sayahet rayonlirida bixeterlik tedbirlirini qattiq kücheytmekte
türkiye térrorizmgha qarshi küreshke dair hemkarliq mixanizmiliri dairiside sayahet rayonlirida bixeterlik tedbirlirini qattiq kücheytmekte.
türkiye awazi radiyosi xewiri: türkiye tashqi ishlar ministirliqi bayanatchisi tanju bilgich, yéqinqi künlerde bezi döletlerning türkiyediki puqralirigha qarita sayahet agahlandurushlirigha munasiwetlik soalgha bergen yazma jawabida, mundaq dédi: «bu agahlandurushlar oxshimighan xelqaraliq özgirishler we muddialar bilen munasiwetlik, dep qaralmaqta. emeliyette, alaqidar tarmaqlirimiz, térrorizmgha qarshi küreshke dair hemkarliq mixanizmliri dairiside sayahet rayonlirida bixeterlik tedbirlirini qattiq kücheytmekte.»
türkiyening bixeter dölet ikenlikini we térrorizmgha qarshi küreshni eng ünümlük usulda, dölet ichi we chégra halqighan herbiy heriketler arqiliq dawamlashturuwatqanliqini tekitligen bilgich, bu sahede qolgha keltürülgen muweppeqiyetlik netijilerning hemmige ayan ikenlikini eskertip mundaq dédi: «bu dairide, élimiz térrorizmgha qarshi kürishini tétrorluq teshkilatliri arisida héchqandaq ayrimchiliq qilmastin dawamlashturush bilen bir waqitta, xelqara jemiyetning bixeterlikigimu töhpe qoshmaqta. derweqe, bu mesile xelqara jemiyet teripidin bilinmekte we yuqiri baha bérilmekte.»