oktay yawropa parlaméntining doklatigha naraziliq bildürdi
muawin jumhur reis fuat oktay yawropa parlaméntining 2021 – yilliq türkiye doklatigha naraziliq bildürdi.
türkiye awazi radiyosi xewiri: oktay, anadolu agéntliqigha bu heqte bergen bayanatida, mundaq dédi: «yawropa parlaméntining 2021-yilliq türkiye doklatidin orun alghan qibris mesilisidiki yüzeki we yiraqni körüshtin xaliy bayanlar, yawropa parlaméntining jenubiy qibris rum hakimiyitining bayanatchisi süpitide heriket qilmaqchi boluwatqanliqining yene bir ispatidur. eger yawropa ittipaqi bilen yawropa parlaménti, qibris mesilisini hel qilishqa töhpe qoshushni xalisa, undaqta, qibris türk xelqini yoqqa chiqirishtin waz kéchishi, qibris türklirining igilik hoquqi, hoquqta barawerliki we xelqaraliq teng hoquqluq salahiyitini royxetke élishi, hemde 2004-yili qibris türk xelqige bergen ehdilirige wapa qilishi kérek.»
qibrista ayrim – ayrim ikki xelq we ikki dölet barliqini eskertken oktay, mundaq dep körsetti: «rumlarning 50 yilgha yéqin waqittin buyan, aldash taktikiliri bilen, 2004-we 2017-yilliri ret qilghan modél (fédératsiye tüzümi), yene 50 yil muzakire qilinmaydu. bu mesile emdi mushu yerde axirlashti.»
yawropa parlaméntining türkiye doklatida, qibris muzakirilirining qaytidin bashlinishi we qibris türk terepning «ikki döletlik tüzüm» teklipidin waz kéchishining kütülüwatqanliqi qeyt qilinghanidi.