türkiye bangladéshqa teziye bildürdi
türkiye bangladéshta meydangha kelgen partlash munasiwiti bilen teziye bayanati élan qildi.
türkiye awazi radiyosi xewiri: türkiye tashqi ishlar ministirliqi teripidin élan qilinghan yazma bayanatta, enqerening, bangladéshning chittagong shehiri etrapidiki kontéynér iskilatida yüz bergen partlash we uningdin kéyinki ot apitide nurghun kishining hayatidin ayrilghanliqi we yarilanghanliqidin tolimu epsuslanghan halda xewer tapqanliqi eskertilip mundaq déyildi: «dost we qérindash dölet bangladésh xelqi we hökümitige chin dilimizdin teziye bildürimiz, hayatidin ayrilghanlargha allah taaladin rehmet, yarilanghanlargha shipaliq tileymiz.»
bangladésh taratqulirining xewer qilishiche, chittagong shehiride shenbe küni yüz bergen partlash we uningdin kéyinki ot apitide 49 kishi jénidin ayrilghan, 300 din artuq kishi yarilanghan.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.