p k k din qachqan bir térrorchi teslim boldi
ichki ishlar ministiri sulayman soylu «külreng katégoriye» diki bir térorchining bölgünchi térorluq teshkilati p k k din qéchip chiqip, dölet xewpsizlik küchlirige teslim bolghanliqini bildürdi.
türkiye awazi radiyosi xewiri: soylu, ammiwi ortaqlishish tor bétidiki sehipiside élan qilghan bayanatida, «külreng katégoriye» diki bir térrorchining, tünügün chüsh tereplerde ailisiningmu tirishchanliq körsitishi bilen bölgünchi térrorluq teshkilati p k k din qéchip, dölet xewpsizlik küchlirige teslim bolghanliqini uqturdi.
shuning bilen, bir hepte ichide bölgünchi térrorluq teshkilati p k k mensubi 2 térrorchi, qayil qilish paaliyetliri netijiside teslim boldi.
bu ariliqta, shirnaqta 585 herbiy xadimning ishtirak qilishida «eren qamal qilish – 14» zerbe bérish herikitining deslepki küni bölgünchi térrorluq teshkilati p k k mensubi 3 térrorchi bir terep qilindi.
ichki ishlar ministirliqining bildürüshiche, bölgünchi térrorluq teshkilati p k k ni dölet küntertipidin chiqiriwétish we rayonda yoshurunuwalghan térrorchilarni bir terep qilish meqsitide, shinrnaq wilayitide «eren qamal qilish – 14 shéhit qoralliq saqchi léyténant ismail jan aqdéngiz 2022 – 3» zerbe bérish herikiti bashlanghan.
zerbe bérish herikitining deslepki küni, bölgünchi térrorluq teshkilati p k k mensubi 3 térrorchi bir terep qilinghan, köp sanda oq - dora we turmush buyumlirimu qolgha chüshürülgen.
