qalin amérika dölet xewpsizlik ishliri meslihetchisi bilen téléfonlashti

türkiye awazi radiyosi xewiri: téléfon söhbitide, ikki terep munasiwetliri, shiwétsiye bilen finlandiyening shimaliy atlantik ehdi teshkilatigha eza bolush üchün iltimas sunush basquchi, yer shariwi yémek - ichmek we énérgiye bixeterliki, térrorizmgha qarshi  küresh, 24 – féwraldin buyan dawamlishiwatqan rusiye – ukraina urushi, süriyediki özgirishler we bashqa rayonluq mesililer muzakire qilindi.

türkiye – amérika qoshma ishtatliri otturisida istiratégiyelik mixanizmining ornitilishi arqiliq rayonluq mesililer, iqtisad, énérgiye we dölet mudapiesi saheliride hemkarliqni yenimu yüksek sewiyege yetküzüshke munasiwetlik ümid otturigha qoyulghan téléfon söhbitide, ukrainadiki urushning uzirap kétishining yémek - ichmek we énérgiye bixeterliki we yer shariwi iqtisadqa selbiy tesir körsitiwatqanliqi qeyt qilindi.

ukrainaliq musapirlar sanining köpiyip kétishi we toqunush rayonlirida otturigha chiqqan insaniy tiragédiyening tolimu endishilik ikenliki bayan qilinghan téléfon söhbitide, ukrainadiki urushqa diplomatik yollar arqiliq xatime bérilishi üchün söhbet basquchini qaytidin tézlitishning muhimliqi tekitlendi.

shimaliy atlantik ehdi teshkilatigha eza bolushni xalaydighan döletlerning, natoning bixeterlik we térrorizmgha qarshi  küresh mesilisidiki qimmet ölchemliri hem pirinsiplirini qobul qilish mejburiyitining barliqi eskertilgen téléfon söhbitide, bu dairide shiwétsiye bilen finlandiyening türkiyening milliy bixeterlikige tehdit shekillendürüwatqan térrorluq teshkilatliri mesiliside ijabiy qedemlerni tashlishining zörürlüki tekitlendi.

bölgünchi térrorluq teshkilati p k k/p y d/y p g ning türkiyening milliy bixeterliki we süriyening zémin pütünlükige tehdit shekillendürüshni dawamlashturuwatqanliqi qeyt qilinghan téléfon söhbitide, türkiyening barliq térrorluq teshkilatlirigha qarshi kürishining qetiy dawamlishdighanliqi eskertilish bilen bir waqitta, türkiyening ege we sherqiy aqdéngiz qatarliq pütkül rayonda milliy menpeetlirini qoghdaydighan, tinchliq we muqimliq ornitishni asas qilidighan pozitsiyesini izchil dawamlashturidighanliqi bildürüldi.